Ekitaldiak gaur egungo gai garrantzitsuenetako bat jorratu du: STEAM sektoreetan emakumeen presentzia falta.
Ekitaldian, Isabel Iturbe Mach presidenteak «2023ko Emakumeen egoerari buruzko azterlana enpresen zuzendaritza-organoetan» aurkeztu du, etorkizuneko bilakaerarako jarraibide garrantzitsuak ezarriz.
Egindako azterketaren arabera, EAEko unibertsitateetan graduko ikasketak amaitu dituzten 10 pertsonatik 6 emakumeak dira, eta, hala ere, 2023an administrazio-kontseiluetako kargu guztien % 22 baino ez dira emakumeak, eta kopuru hori mantendu egin da 2022ko datuekin alderatuta.
Egia esan, bilakaera egonkorra izan arren, mantsoa izaten jarraitzen du. Emakumeak espezializatu eta ekiten dute, baina gizarte-testuinguruak oraindik ere eragin nabarmena du dinamika horietan.
Mahai-inguruan gonbidatu nabarmenak izan ziren: Jose Galindez, SOLARPACKeko kontseilari eta sortzaileetako bat; Carla Arpa, Nazio Batuen Mundu Itunaren presidentea; Miren Loyola Zuloaga, Velatiako zuzendari korporatiboa; eta moderatzailea, Luis Salas, kazetaria eta komunikazioko aholkularia.
Denak bat etorri ziren puntu erabakigarri batean: egungo datuak ez dira pozgarriak eta oraindik lan asko dago egiteko. Nahiz eta emakumeek edozein karrera egiteko aukera izan eta horren jakitun izan, oraindik ere oztopo sozialei aurre egin behar diegu.
